Аԥсны Жәлар Реизара

Аԥсны Аҳәынҭқарра Жәлар Реизара:

1) иаднакылоит Аконституциеи Аԥсны Аҳәынҭқарра азакәанқәеи;

2) иаднакылоит аҭыԥантәи аҳәаақәа рыԥсахрақәа ирызку ақәҵарақәа;

3) иазыӡырҩуеит атәылаҿы ҭагылазаашьас иҟоуи, аҳәынҭқарра аҩнуҵҟатәи, адәныҟатәи аполитика ахырхарҭа хадақәеи, нас урҭ рымҩаԥгареи ирызку Аԥсны Ахада инашьҭымҭақәа;

4) иахәаԥшуеит егьышьақәнарӷәӷәоит аҳәынҭқарра абиуџьет, уи анагӡарагьы хылаԥшра азнауеит;

5) иаднакылоит ашьауӷатә, ашьауӷатә-усеилыргаратә, амҩақәҵаратә-џьатә, атәылауаҩратә, атәылауаҩратә-усеилыргаратә, аиныршәаратә уҳәа азакәанԥҵарақәа, аӡбареиҿкаареи апрокуратуреи ирызку азҵаарақәа;

6) имҩаԥнагоит Аконституциеи Аԥсны азакәанқәеи реилыркаара иазку аусқәа;

7) ишьақәнаргылоит Аԥсны Аҳәынҭқарратә ҳамҭақәеи, аҳаҭыртә, арратә хьӡалкаақәеи;

8) ишьақәнарӷәӷәоит, ишыԥнарго рыланаҳәоит Аԥсны Аҳәынҭқаррабжьаратә еиқәшаҳаҭрақәа;

9) иалнахуеит Аԥсны Жәлар Реизара Аиҳаби уи ихаҭыԥуааи;

10) амаҵура ианаҭоит, рхы иақәиҭнатәуеит, азакәан инақәыршәаны, Аԥсны Ахада иқәиргыло Апрокурор Хадеи, Амилаҭтә банк Ахантәаҩи, егьырҭ амаҵурауааи;

11) иаднакылоит Аминистрцәа Реилазаара иалахәу џьоукы бжьыҭирала иӡбоу рыгәрамгара рылаҳәара иазку ақәҵарақәа;

12) Аԥсны Ахада ахара иднаҵоит уи имаҵура нижьразы;

13) ирыланаҳәоит амнистиа;

14) иаӡбоит аибашьра рылаҳәареи аинышәара рыбжьаҵареи ирызку азҵаатәқәа;

15) иаӡбоит Аԥсны Жәлар Реизара адепутатцәа рыламкьысра азҵаатәқәа;

16) иаӡбоит и3ыдоу аҭагылазаашьеи аибашьратә ҭагылазаашьеи ралагалара ахьынӡазинрку;

17) инанагӡоит Аконституциеи Аԥсны азакәанқәеи иадырҵо егьырҭ азинмчхарақәа.

Аԥсны Жәлар Реизара-Апарламент ааба Аилакқәак амоуп:

– Аҳәынҭқарратә-зинтә политика рзы Аилак; 

– Афинансқәеи ашәахтәқәеи, абиуџьети акредиттә еиҿкаарақәеи рзы Аилак;

– Аекономикатә политикеи ареформақәеи рзы Аилак;

– Асоциалтә политикеи аџьеи агәабзиарахьчареи адемографиеи, аибашьра аветеранцәеи аинвалидцәеи русқәа рзы Аилак ;

– Аҵареи аҭҵаареи абызшәатә политикеи амассатә информациа ахархәагақәа русуреи рзы Аилак;

– Акультуреи аҿари аспорти русқәеи рзы Аилак;

– Аитәылауаа рымадареи апарламентбжьаратәии жәларбжьаратәии аимадареи рзы Аилак;

– Аграртә политикеи аԥсабаратә ресурсқәеи аекологиеи рзы Аилак.

1) Џьынџьолиа, Сократ Рач-иԥа — I - II-тәи ааԥхьара (1994-2002 ш.)

2) Ашәба, Нугзар Нури-иԥа — III - IV-тәи ааԥхьара (2002-2012 ш.)

3) Бганба, Валери Рамшьыхә -иԥа — V-тәи ааԥхьара (2012-2017 ш.)

4) Кәарҷиа, Валери Еремеи-иԥа — VI-тәи ааԥхьара (2017- )