إيرين ييݣر

عنداك سپويلر!. عنداك... هاد لفقرة يمكن تديرليك سپويلر و تحرقليك لقصّة.

إيرين ييݣر (ب جاپونية エレン・イェーガー، ب لألمانية Eren Jäger) هوّا شخصية خيالية ؤ شّخصية لّولية (رّئيسية) ديال لقصة د شينݣيكي نو كيوجين لّي مألفها هاجيمي إيساياما. لقصة كتبدا ملي كان إيرين ف عمرو 10 سنين، ؤ كتسالا فاش ولّا عندو 19 عام. إيرين شاف مّو كتقتل بشكل وحشي من طرف لعمالقة فاش كان صغير، ؤ ولّا دّافع ديالو هوّا يقتل لعمالقة كاملين. من بعد ما تخرج من لأكاديمية لعسكرية، غادي يشارك ف لمعركة ديال تروست، لّي غادي يكتاشف فيها بلي عندو لقدرة باش يتحول ل عملاق فيه 15 ميترو.

إيرين ييݣر
معلومات عامة
سّمية شّخصية	إيرين
لجنس	دكر
لفاميلة ؤ صّحاب
لبّات	ڭريشا ييڭر
لخوت	زيك ييڭر
أقرباء	ميكاسا أكرمان
معلومات إضافية
خدامي	عسكري، سياف و توري
مدكور ف	شينڭيكي نو كيوجين و شينڭيكي نو كيوجين (أنيمي)
أعمال بان فيها	شينڭيكي نو كيوجين و شينڭيكي نو كيوجين (أنيمي)
شكون خلقو	هاجيمي إيساياما
مومتيلين لعبو هاد دّور	هاريوما ميورا

بزاف د لقاريين ؤ لمشاهدين ف لبدية ديال لقصة ماكانتش عاجباهم شّخصية د إيرين، حيت كيبان عدواني ؤ غضبان ؤ ديما كيخصّو شي حد يخرّجو من شي موقف ماشي هوّا هاداك، مي معا تّطور ديال لأحدات كتبدّل شّخصية ديالو ؤ كيولي مكالمي ؤ كيفكر قبل ما يدير شي فعلة.^[1]