بانݣلاديش

بانݣلاديش (ب لبينݣالية: গণপ্রজাতন্ত্রী বাংলাদেশ) هي واحد لبلاد فلجنوب الشرقي ديال آسيا. تاتحدها لهند من ݣاع الجوايه، من غير لجنوب الشرقي، اللي عندها فيه حدود مع بورما، و لجنوب اللي تاطًل فيه على لخليج د لبنݣال. بانݣلاديش تاتعني لبلاد د لبنݣال باللغة لبينݣالية.^[1]

بانݣلاديش
গণপ্রজাতন্ত্রী বাংলাদেশ (bn) বাংলাদেশ (bn)
نشيد	بنغلاديش الذهبية
لعاصيمة	داكا
الساكينة
شحال دالسكان	165,775,000 (2021)
اللوغات الرسمية	البنغالية
متوسط ديال لعمر	74.43 (2021)
لجغرافيا
لميساحة	147,570 كم²
لقمة لعالية	Mowdok Mual (1,054 م)
لبلاصة الطايحة	خليج البنغال (0 م)
لإدارة
نضام الدولة	نظام وستمنستر و جمهورية برلمانية
رئيس بنغلاديش	محمد عبد الحامد
رئيس وزراء بنغلاديش	شيخة حسينة واجد
لبرلمان	جاتيا سانجشاد
سلطة لقضائية لكبيرة	Supreme Court of Bangladesh
لقتيصاد
لبيطالة (شوماج)	4 % (2014)
مؤشر التنمية لبشرية	0.661 (2021)
لفلوس	تاكا بنغلاديشي
معلومات خرة
توقيت ديال لبلاد	توقيت بنغلاديش ڭرينيتش + 6 Asia/Dhaka
رمز لبلاد	BD
رمز لانترنيت	‎.bd‎ و .বাংলা
رمز التيليفون	+880
نماري د ليرجونس	999
جيهة د صوڭان	ليسر
السيت الرسمي	bangladesh.gov.bd

ف 1947، مورا ما خرجات بريطانيا من شبه لقارة لهندية، تقسمات ديك لمنطقة على جوج: لمنطقة د لهندوس هي لهند، و لمنطقة د لمسلمين هي پاكيستان، اللي كانت فيها پاكيستان لغربية ( هي پاكيستان ديال دابا)، و پاكيستان الشرقية (هي بانݣلاديش). علاود لحݣرة و لإهمال ليقتيصادي و السياسي و اللغوي، دارو الناس ديال پاكيستان الشرقية ثورة على پاكيستان لغربية، و وقعات حرب بيناتهم سالات بليستيقلال ديال پاكيستان الشرقية، اللي ولات هي لجمهورية الشعبية د بانݣلاديش ف 26 مارس 1971.

تيسكنو ف بانݣلاديش تقريبا 161 مليون واحد (هي الدولة التامنة من ناحية عدد السكان فلعالم) و لعاصمة ديالها هي داكًا. لعدد لكبير د السكان ديالها تيخلًيها هي الدولة لمسلمة التالتة من ناحية الناس فلعالم. لفلوس اللي كاتخدًم فلبلاد هي تاكا، و اللغة الرسمية هي لبينݣالية. بانݣلاديش داخلة مع لأمم لمتحدة و منظمة لكومنويلت و ليتيحاد د جنوب شرق آسيا د التعاون لإقليمي و مؤتمر لقمة لإسلامي.