لندن

لندن ؤلا لوندريس كيما كانو كيسميوها لمغاربا ف لقديم، (ب لينݣليزية: London)، هي العاصمة د لمملكة لمتحدة د بريطانيا لعظمى وإيرلاندا الشمالية و د لينݣليز وأكبر مدينة فيهم بجوج. هي من أكبر المدن د أوروپا، و كايسكن فيها و ف النواحي ديالها كثر من 14 لمليون د الناس. لمدينة جات على لواد ديال الطيمز و بعيدة بتقريبا 80 كلم على لبحر ديال لمانش.

لندن
London (en-gb) Llundain (cy) Lunnainn (gd) Lunnon (sco)
تصاور ديال بزاف د لبلايص ف لندن
تاريخ التأسيس	47
لبلاصة
لبلاد	نڭليز
لإقليم	لندن الكبرى
لإدارة
لعمدة	صادق خان (9 ماي 2016)
السكان
شحال دالسكان	8,908,081 (2018)
اللوغات	نڭليزية
لجغرافيا
لميساحة	1,572 كم²
لقمة لعالية	بيغين هيل (245 م)
لعلو	15 م
معلومات خرا
توقيت ديال لمدينة	ڭريتينش التوقيت د ڭريتينش ڭرينيتش + 1 Europe/London
نمرة التيليفون لمحلية	20، 1322، 1689، 1708، 1737، 1895، 1923، 1959 و 1992
كود د لبوصطة	E، EC، N، NW، SE، SW، W، WC، BR، CM، CR، DA، EN، HA، IG، KT، RM، SM، TN، TW، UB و WD
السيت الرسمي	london.gov.uk
الرمز لجغرافي	2643743

لندن من لمدن لمهمة و اللي كاتأتر بزاف ف لعالم، و وحدا من أهم لمراكز لمالية. لمطارات ديالها من المطارات اللي فيها أكبر رواج ف لعالم، و كاين فيها عدد كبير ديال الشركات و لمستثمرين من لعالم كلّو. ف 2012، تنضّمات لألعاب لأولمپية ف لندن، و ولاّت هي لمدينة لوحيدة ف لعالم اللي تنضّمات فيها هاد لألعاب 3 د لمرّات.

لندن مدينة كبيرة و مخلّطة، تيتهضرو فيها كتر من 300 لغة من الناس اللي جاو ليها من لعالم كلّو. التاريخ د لمدينة تا هو كبير و دازو فيها بزاف د لأحدات اللي كانو مهمّين للعالم. لندن فيها 4 د لمواقع د الترات لعالمي ديال ليونيسكو، و لميطرو ديالها هو أقدم ميطرو كاين ف لعالم ( تبنا ف 1863).^[1]

تقدر تزيد شوف بزاف د تّصاور و لمعلومات ديال London ف ويكيميديا كومنز.