توماس إديسون

أديسون اتولد فى ميلان فى أوهايو , وكان السابع و الاخير فى أخواته, فى المدرسه أديسون قعد 3 شهور بس , بعد كدة امه خلته يتعلم فى البيت , اديسون وهو صغير كان عنده مشاكل فى السمع, ولما كبر بقى اطرش. أديسون كان شغال على تلغراف, وكان الشغل ده بيسمحله انه يعمل الحاجات اللى بيحبها (القرايه والتجارب) ، و مره و هو شغال ببطاريه من بتوع زمان (أوى) وقع حمض كبريتيك منها على الارض, فالحمض اتسرب من الارضيه ووقع على مكتب مديره, و تانى يوم أديسون اتطرد من الشغل , أديسون أتجوز واحدة عندها 16 سنه كان اسمها (مارى ستيلويل) وخلف منها ولدين و بنت و بعد مماتت اتجوز تانى واحده عندها 20 سنه كانت بنت مخترع وخلف منها بنتين و ولد.أديسون أخد اول براءة اختراع على ماكينه اليكترونيه بتستعمل فى التصويت فى الانتخابات.

أديسون عمل أختراعات كتير وحسن أختراعات أكتر بس كسب معظم شهرته من الفونوجراف (مشغل السيديهات بتاع زمان) و كان ؟اول ما عمله كن بيشتغل على ورق قصدير و صوته ما كانش حلو أوى , لكن بعد كده مخترعيين تانيين اسمهم (ألكسندر جراهم بيل,تشستر بيل و تشارلز تاينتر) قدموا نسخة محسنة منه,وده اللى خلى أديسون يشتغل جامد علشان يعمل احسن فونوجراف.ومن انجازات أديسون المهمة أنه عمل اول معمل ابحاث صناعى فى ميلانو بارك بنيو جيرسى , وعمله من الفلوس اللى جتله من مبيعات الفونوجراف,والمعمل ده كان هدفه انو يعمل تحديثات على الاجهزة الموجودة و يعمل اختراعات جديدة.

من اعظم اختراعات اديسون و بتعتمد على مرور تيار فى سلك من مادة معينة (حاليا التنجستين) ومن المقاومة بتاعة السلك لمرور الكهرباء فيه بينشأ ضوء و حرارة.وبالمناسبة لكي تخترع انت بحاجة الى مخيلة جيدة وكومة خردةأول لمبة أديسون عملها اشتغلت 40 ساعة بس.

لما نيكولا تيسلا راح امريكا قابل توماس ايديسون واشتغل معاه فى مصنعه ولكن بعد كده سابه وبنى معمله الخاص وحصلت بينه وبين ايديسون خناقات بالكلام نشرتها وسايل الاعلام المحلية ساعتها.

• امي هى اللى عملتنى، عشان كانت بتحترمني وبتثق فيا، حسستنى أنى أهم شخص فى الوجود، فبقى وجودي ضرورى عشانها وعاهدت نفسي أنى مخذلهاش ذى ماهيا مخذلتنيش ابدا.
• انا معملتش اى حاجة بالصدفة و مخترعتش اى اختراع بالصدفة كله كان بالعمل الشاق.
• اذا فعلنا كل الاشياء التي نحن قادرون عليها لأذهلنا انفسنا.
• كتير من الاخفاقات فى الحياة كانت من ناس مادركوش انهم قريبين من النجاح.
• مش معنى ان حاجة مشتغلتش ذى مانت عايز يبقى ملهاش لازمة.
• النجاح 1% حظ و99% جهد.
• أنا فخور أنى مخترعتش أسلحة.
• كل واحد بيفكر يغير العالم.. لكن مفيش حد بيفكر فى تغيير نفسه.
• اتحلى بالايمان وانطلق.
• دايما فى طريقة أحسن.
• مفيش بديل للعمل الجاد.
• احنا منعرفش واحد بالمليون من اى شيء.
• الآمال العظيمة بتصنع الاشخاص العظماء.
• عشان تخترع انت محتاج لمخيلة جيدة وكومة خردة.
• متبقاش ارضا يداس عليها..خليك سماءً يتمنى الجميع الوصول ليها.
• اكتشفت 1000000 طريقة لا تؤدي لاختراع البطارية وحاولت 999 مرة عشان اصنع المصباح الكهربائي.

 

فيه فايلات فى تصانيف ويكيميديا كومونز عن:

توماس إديسون