لينكس

النواه دى هى الوسيط اللى بين الاجهزه اللى هى عباره عن دواير الكترونيه او رقميه بين البرمجيات.

الواجهة الرسومية هى اللى بتظهر فى الويندوز او فى توزيعات جنو/لينكس الجديدة واللى منها نقدر نسطب برامج او نشيل برامج او نعمل أى امر فى نظام التشغيل من غير استخدام سطر الأوامر .

 

ريتشارد ستولمان

ريتشارد ستولمان صاحب مؤسسة البرمجيات الحرة ، هو اول اللى فكر فى انه يعمل نظام تشغيل حر بالكامل ودا لان فى التمانينات بدأت تظهر قوة الشركات اللى اللى بتنتج برامج احتكارية مع ان قبل كدا كانت الاكواد المصدرية للبرامج متاحه لكل المبرمجين والمهتمين علشان يدرسوها او يطوروها، وأغلب اللى اشتغلوا فى المشروع دا كانوا متطوعين .

وبدأ ريتشارد ستولمان فى كتابة البرامج من الصفر واستخدم البرامج اللى كانت موجوده وقتها بشرط ان ينطبق عليها اربع شروط البرمجيات الحرة ،وفآخر التمانينات اسس ريتشارد ستولمان منظمة البرمجيات الحرة ، واشتغل معاه فى المنظمة 15 مطور بدأو يشتغلوا على انتاج برمجيات حرة ، وطبعا كان شيىء مهم جدا بالنسبالهم ان نظام التغشيل اللى بدأو يعملوة يكون قريب من يونكس لأن يونكس وقتها كان صاحب الشعبية الاكبر خاصة فى مجال الحماية والشبكات دا غير امكنياتة المتطورة فى الوقت دا ،حتى ان القائمين على مشروع جنو كانوا بيقلدوا اليونكس فى كل حاجه تقريبا علشان متوافق جدا مع يونكس ،لكن كان يونكس نظام غير حر .

 

لينوس تورفالدس

مع بداية التسعينات كان مشروع جنو شبه مكتمل ، بس المشكة اللى قابلتهم ان ماكنوش برمجموا نواة لنظام التشغيل ، وبدأو يكتوا فى نواة لنظام التشغيل (جنو/هرد) فى الوقت دا ظهرت نواة اسمها لينكس -(اللى اخترعها واحد فنلندي اسمه لينوس تورفالدس Linus Torvalds)- طبعا كبرمجيات حرة ، وبدأ مجموعه من المبرمجين والمهتمين بالبرمجيات الحرة انهم يحاولوا يدمجوا النواة (لينكس) فى نظام التشغيل (جنو) ونجحوا فى ده وقدروا ينتجوا نظام تشغيل حر بالكامل وسموه جنو/لينكس ، اما النواة هرد فلسه لحد دلوقتى بيتم التطوير فيها علشان تناسب المستخدمين لكن فى 2001 النواة وصلت لتطور كبير لكن لسة بيتم تطويرها علشان تكون مناسبة للاستخدام العادى اكثر .

علشان كدا لما المستخدمين بيقولوا لينكس بيبقوا اساسا يقصدو جنو/لينكس ، لان لينكس بتعبر بس عن النواة ، لكن جنو/لينكس بتعبر عن نظام التشغيل ككل .

جنو/لينكس فى الاول ماكنش موجه للاستخدام الشخصى لكن بعد انتشار اجهزة الكمبيوتر الشخصية بدأ جنو/لينكس يكبر أكتر ويبقى أسهل وبعد ماكان مالوش واجهه رسومية بقى واجهة رسومية قوية جدا وثابتة جدا ، بالاضافة الى حل مشكلة عدم وجود مكتبات برمجية ، لكن المشاكل دى اتحلت من زمان وكمان اتحلت أغلب المشاكل لحد ما وصلنا للتوزيعات المنتشرة دلوقتى .

توزيعة جنو/لينكس يعني لو شركة او مجموعة افراد أخدت النواة (لينكس) وبعدين أخدت تطبيقات جنو واخدت اى واجهة رسومية وجمعتهم ، يبقى كدا الشركة دى او مجموعة الافراد دول عملوا توزيعة .

• أوبونتو
• ديبيان
• فيدورا
• كالي
• مينت
• باكتراك
• أرابيان لينكس