Minic

Mia e icinakositc

Enko anaha cowemin ka waseskonesitc taw kaie ka makatewsitc minic. Cicisiw tca anaha itekera minic. E matce nipinik iti nitawokiw nac e mi takwakinik aci tca neta mirosiw kitci mowakaniwitc. Micta kirowe miro nitawakin kecpin e takok micta miro areko ekota meka e kiripi matcekik minic kaie kirowe mitceno. Kecpi e osekowaniokw, kinec arimatc tacikatew. Cikohikanatikw apitan kitci ki mamakohikatek nehi minica nac tekci kitci pikickiparik e osikatek. Kipe kicko tacikatew nihe e ocitakaniokw.

E ici nitawokitc

Ka ici towereak notcimik ici otinakaniw. Kiwetno askik tca ici pe otciw.