Wackeciw

Enko anaha awesis ka micta ocpikwackotitc kecpin e ocimatc mahikana kekotc atoske iriniwa. E takwakinik kewir iti kito kirika nantonowew keki wikimitotcik. Nanikotin niciriwa onitcanica matci kaie newiriwa kecpin e nitawokiritci. Tekaci kekat mikocawisiw ote okackamak mina micta wapariw oso. Onawis ko pa pamatisiw kecpin e piponik osam e micta rawohak konik e pimotetc. Itakaniwiw e newonik ockicikw ote kirika oskatik ici acteriw ockicikw ka icinakonik, ekota tca wetci kiskeritciketc kewir e naskakotc awesisa kekotc atoske iriniwa.