Amtssproch

Der Artikl is im Dialekt Obaboarisch gschriem worn.

De Amtssproch is de Sproch vo de Ämta, sowoi untarananda ois wia aa mit den Biaga. In da Amtssproch wern Vawoitungsakte, Gsetze und Normen vafosst, Dokumente archiviert, Auskumft eateit, Oträg gstejt und Gerichts-Vahandlunga gfihrt.

A Land ko gleichzeiti mehrane Amtssprochn ham. Lända de wo vui Amtssprochn ham, brauchn zua Vaoafochung vo da Kommunikation aa no a Orbatssproch. Sprochn zur Vaständigung im Fernhandl und Fremdnvakea, nennt ma Vakeahssprochn.

Umgangssprochlich werd Amtssproch oft aa mit Amtsdeitsch gleichgsetzt, oiso a Sproch, de wo im Stui und im Wortschotz fir Beherdn typisch is.

Literatua

Michael Schloßmacher: Die Amtssprachen in den Organen der Europäischen Gemeinschaft. Frankfurt am Main 1996. ISBN 3-631-49766-0.

Im Netz

Amtssprochn vo da Wejd (von 195 Staatn)
§ 23 Verwaltungsverfahrensgesetz (VwVfG)