FilmAffinity
«FilmAffinity» — вэб-сайт з рэкамендацыямі па фільмах, створаны ў 2002 годзе ў Мадрыдзе (Іспанія) кінакрытыкам Пабла Куртам Верду Шуманам і праграмістам Даніэлем Нікаласам[2]. Па стане на 2016 год на сайце было пералічана 125 000 фільмаў і серыялаў і было 556 000 аглядаў, напісаных яго карыстальнікамі[3].
| FilmAffinity | |
|---|---|
 | |
| URL | filmaffinity.com |
| Тып сайта | база даных фільмаў, тэлевізійных фільмаў і тэлесерыялаў |
| Рэгістрацыя | апцыянальная |
| Мова(-ы) | англійская, іспанская |
| Размяшчэнне сервера | Мадрыд, Іспанія |
| Аўтар | Пабла Курт Верду Шуман, Даніэль Нікалас |
| Пачатак працы | 2002 |
| Бягучы статус | працуе |
| Рэйтынг Alexa | 2 007[1] |
Зарэгістраваныя карыстальнікі могуць ацэньваць фільмы, знаходзіць рэкамендаваныя фільмы на падставе сваіх асабістых рэйтынгаў, ствараць любыя спісы фільмаў і — у іспанскай версіі — пісаць агляды. Сайт таксама ўключае інфармацыю аб змесціве асноўных стрымінгавых сэрвісаў, такіх як Netflix, HBO, Movistar+, Filmin і Rakuten TV.
Адзначаецца, што карыстальнікі FilmAffinity, зазвычай ацэньваюць фільмы больш жорстка, чым карыстальнікі IMDb, што прыводзіць да стабільна больш нізкіх сярэдніх балаў[4].
Сайт мае 3 мільёны ўнікальных карыстальнікаў у Іспаніі, што складае 70% ад агульнага трафіку, і абслугоўвае больш за 47 мільёнаў старонак у месяц па ўсім свеце. Рэклама з’яўляецца адзіным прыбыткам сайта, у агульнай складанасці больш за паўмільёна долараў штогод[5].
Міжнароднае пашырэнне
У 2016 годзе сайт запусціў адаптаваныя версіі для ЗША, Мексікі, Аргенціны і Чылі, прапаноўваючы канкрэтную інфармацыю аб датах выхаду фільмаў, мясцовых крытыках, касавых зборах і кінатэатрах. Версія для Вялікабрытаніі была дададзена пазней[6]. Англійская версія больш абмежаваная, чым іспанская, і не дае карыстальнікам магчымасці пісаць агляды.
Зноскі
- ↑ Alexa Internet — 1996. Праверана 9 студзеня 2018.
- ↑ About Us: Who Are We? Our History. FilmAffinity.com. FilmAffinity.
- ↑ Blanco, José Manuel. El español que viajó a Canadá para montar FilmAffinity, el IMDB patrio, El Diario (in Spanish) (2 September 2016).
- ↑ Decarlini, Jorge. Filmaffinity Vs. IMDB; o España contra el cine. Vice.com (14 лістапада 2016).
- ↑ Filmaffinity: así crearon dos jóvenes el negocio detrás de la mayor base de datos de cine en español(ісп.), El Español .
- ↑ Filmaffinity, la web española de cine que planta cara a IMDb y Amazon(недаступная спасылка). Sabemos Digital (in Spanish) (22 мая 2016). Архівавана з першакрыніцы 30 мая 2019. Праверана 14 ліпеня 2022.
Спасылкі
- Афіцыйная старонка (ісп.)