Windows 10
Windows 10 — аперацыйная сістэма для персанальных камп'ютараў, якая распрацоўваецца карпарацыяй Microsoft у рамках сямейства Windows NT. Пасля Windows 8 сістэма атрымала нумар 10, абыходзячы 9. Сярод найбольш прыкметных вонкавых змяненняў значыцца вяртанне звыклага меню «Пуск», функцыя віртуальных працоўных сталоў і праца праграм Windows 8 у аконным рэжыме. Першая версія Windows 10 (build 9841) была выпушчаная 30 верасня 2014 года (для карпаратыўных кліентаў) і 1 кастрычніка 2014 года (для ўсіх астатніх). На прэс-брыфінгу 21 студзеня была анансаваная новая зборка, выпушчаная 23 студзеня. Рэліз Windows 10 адбыўся 29 ліпеня 2015 года ў 190 краінах і на 111 мовах. Выпуск Windows 10 плануюць правесці ў некалькі этапаў. Windows 10 будзе апошняй скрынкавай версіяй Windows, усе наступныя версіі будуць распаўсюджвацца выключна ў лічбавым выглядзе. На працягу першага года пасля выхаду сістэмы карыстальнікі змогуць бясплатна абнавіцца да Windows 10 на любой прыладзе пад кіраваннем афіцыйных версій Windows 7, Windows 8.1 і Windows Phone 8.1, адпаведным пэўным патрабаванням[1].
| Windows 10 | |
|---|---|
 | |
 | |
| Распрацоўшчык | Microsoft Corporation |
| Сямейства АС | Windows |
| Заснавана на | Windows 8.1 |
| Першы выпуск | 29 ліпеня 2015 |
| Апошняя версія | Windows 10 Pro 10240 — 29 ліпеня 2015 |
| Падтрымлівае мовы | арабская мова, балгарская мова, кітайская мова, чэшская, дацкая мова, нямецкая, грэчаская мова, брытанскі варыянт англійскай мовы[d], амерыканскі варыянт англійскай мовы, іспанская мова, Mexican Spanish[d], эстонская мова, фінская мова, французская мова, Canadian French[d], іўрыт, харвацкая мова, венгерская мова, італьянская мова, японская мова, карэйская, літоўская мова, латышская мова, нарвежская мова, Фламандскія дыялекты, польская, партугальская мова, румынская мова, руская мова, славацкая, славенская мова, сербская мова, шведская мова, тайская мова, турэцкая мова, украінская мова і некалькі моў[d] |
| Падтрымлівае платформы | ARM[d], IA-32[d] і x86_64[d] |
| Тып ядра | Гібрыднае ядро |
| Інтэрфейс | Windows Metro |
| Ліцэнзія | Microsoft EULA |
| Стан | Актуальны |
| Вэб-сайт | Windows 10 - дамашняя старонка (руск.) |
 Медыяфайлы на Вікісховішчы | |
Асаблівасці
Упершыню кампанія Microsoft стварае версію аперацыйнай сістэмы сумесна з карыстальнікамі, улічваючы іх пажаданні і перавагі, на аснове даных папярэдняга тэсціравання. Праграма папярэдняй ацэнкі.
Windows 10 — адзіная АС для разнастайных прылад: камп'ютараў, планшэтаў, смартфонаў, Xbox One і іншых. Будуць даступныя адзіная платформа распрацоўкі і адзіны магазін універсальных праграм, сумяшчальных з усімі падтрымліваемымі прыладамі. Windows 10 будзе прадастаўляцца ў якасці паслугі з выпускам абнаўленняў на працягу падтрымкі прылады. Карыстальнікі настольнай версіі Windows 10 атрымаюць магчымасць ствараць некалькі працоўных сталоў і пераключацца паміж імі. Таксама з'явіцца галасавы памочнік Cortana для камп'ютараў і планшэтаў.